URUT-URUTANE TEMBANG MACAPAT
1. Maskumambang (ing njero kandungan)
Miturut Basa Jawa, “maskumambang” artine
kemambang. Nggambarake bayi sing isih kemambang ing rahim ibune.
Watak : nelangsa lan keranta-ranta
Paugeran :
Guru gatra : 4 gatra
Guru wilangan & guru lagu : 12i, 6a,
8i, 8a
2. Mijil (lair)
Miturut Basa Jawa, “mijil” artine mbrojol,
mencolot njedul, utawa metu. Nggambarake laire jabang bayi.
Watak : asih lan tresna
Paugeran :
Guru gatra : 6 gatra
Guru wilangan & guru lagu : 10i, 6o,
10e, 10i, 6i, 6u
3.
Sinom (enom)
Miturut Basa Jawa, “kanoman” artine enom
utawa umur kang isih enom. Nggambarake crita masa muda kang endah, nyenengake,
akeh harapan lan angan-angan. Karo nggolek/ nimba ilmu kanggo mujudake kang
dikarepake.
Watak : grapyak lan renyah
Paugeran :
Guru gatra : 9 gatra
Guru wilangan & guru lagu : 8a, 8i, 8a,
8i, 7i, 8u, 7a, 8i, 12a
4.
Kinanthi (tuntunan)
Miturut Basa Jawa, “kanthi” artine tuntunan
utawa dituntun supaya bisa nggayuh masa depan. Nggambarake mangsa nalika
manungsa mbentuk jati diri lan niti dalan kanggo nggayuh cita-cita.
Watak : seneng, bungah ,asih, atut runtut
renteng-renteng reruntungan
Paugeran :
Guru gatra: 6 gatra
Guru wilangan & guru lagu : 8u, 8i, 8a,
8i, 8a, 8i
5.
Asmarandana (asmara)
Miturut Basa Jawa, “tresna” artine cinta
utawa kasmaran. Nggambarake nalika manungsa dirundung asmara, mendhem tresna.
Watak : sengsem
Paugeran :
Guru gatra : 7 gatra
Guru wilangan & guru lagu : 8i, 8a, 8e,
8a,7a, 8u, 8a
6.
Gambuh (cocok)
Miturut Basa Jawa, “jumbuh utawa sarujuk”
artine cocok. Nggambarake komitmen manungsa kang wis nyatakake tresna lan siap
mangun bale wisma (rabi).
Watak : kulina lan nepung-nepungake
Paugeran :
Guru gatra : 5 gatra
Guru wilangan & guru lagu : 7u, 10u,
12i, 8u, 8o
7.
Dhandanggula (seneng)
Miturut Basa Jawa, “kasembadan” artine
kesenengan. Nggambarake kesuksesan mbangun rumah tangga lan cita-cita kang wis
digayuh.
Watak : luwe lan ngresepake
Paugeran :
Guru gatra : 10 gatra
Guru wilangan & guru lagu : 10i, 10a,
8e,7u,9i,7a, 6u, 8a, 12i, 7a
8.
Durma (dermawan)
Miturut Basa Jawa, “darma utawa weweh”
artine dermawan lan seneng sedekah. Nggambarake wujud lan saka rasa syukur
marang Gusti Allah kang maringake kenikmatan.
Watak : nesu lan muntab
Paugeran :
Guru gatra : 7 gatra
Guru wilangan & guru lagu : 12a, 7i,
6a, 7a, 8i, 5a, 7i
9.
Pangkur (ngadohi hawa nepsu)
Miturut Basa Jawa, “mungkur” artine
ngadohi. Nggambarake manungsa kang bisa nyingkirake hawa nepsu lan angkara
murka.
Watak : Sereng lan tegas
Paugeran :
Guru gatra : 7 gatra
Guru wilangan & guru lagu : 8a, 11i,
8u, 7a, 12u, 8a, 8i
10.
Megatruh (seda)
Miturut Basa Jawa, “megat roh” artine
metune roh. Nggambarake uculing roh utawa sedane manungsa.
Watak : nglara lan sedhih
Paugeran :
Guru gatra : 5 gatra
Guru wilangan & guru lagu : 12u, 8i,
8u, 8i, 8o
11.
Pocung (dibungkus mori putih)
Miturut Basa Jawa, “pocong” artine wis
dibungkus. Nggambarake manungsa kang wis seda diadusi, dishalatke lan siap
dikuburake.
Watak : sembrana, gecul, ora ana greget
saut
Paugeran :
Guru gatra : 4 gatra
Guru lagu & guru wilangan : 12u, 6a, 8i,
12a
0 komentar:
Posting Komentar